مقادير الجينواز 5 بيض 100غرام سكر 170 غرام فرينة

مقادير الجينواز

5 بيض 100غرام سكر 170 غرام فرينة رشة ملح

انا اول حاجة كنعملها هي كندهن الطاوة بالزبدة ونغبرها بالفرينة كيف معروف عند الجميع ونخليها على جنب
كنقطع الورق على شكل دائري بقياس القطر ديال الطاوة لي عندي باش  تجيك ساهلة ديكولي غير الجناب

 ثم نعزلو الصفار عن البياض ونضربو مزيان البياض حتى يولي مثل التلج مع اضافة السكر والفاني

ثم نبقاو نزيدو الصفار وحدة ورا وحدة وحنا نضربو

ومن بعد نخلطو الفرينة غير بسباتول او معلقة المهم ما تخلطيهاش مزيان غير دوري بيدك باش يبقى فيها الهوا لداخل ;واخا تبان ليك الفرينة باقا كتظهر ماشي مشكل هاداك هو السر باش تطلع ليك فنة ومنفوخة بحال البونج

 وندخلوها للفرن على درجة حرارة  180لمدة 20 حتى 25 دقيقة

وملي تكون الكيكة تبرد نوجدو الكريمة انا عندي بودرة ياعني صاشي ديال 80غرام نضربوه مع 80 ملل ديال الحليب وها كريمتنا واجدة وانتم ليكم الاختيار كل وحدة و طريقتها فاعداد الكريمة

 
 كنقسمو الكيكة على 2 دوائر وانا طريقتي فالقسيم بالخيط ماشي بالموس كتكون ساهلة وتخرج مقادة ;ثم كنسقيهم بالسيرو ديال لفريز ; لي وجدتو من قبل اي قطعت الفريز وخليتو يطلق مع السكر

ندهن الطبقة الأولى بشوية دالكريمة مع طريفات دالفريز

ثم نزيد الطبقة الثانية ونغطيها بالكريمة اما  التزيين فأنا عملتها على هد الشك وانتن  يبقى لكن الاختيار

---

---

---